Banoa, geldi,

mugimendu motelean.

Hezurren urruneko krakatekoek,

nola halako ordaina ematen didate.

Ukimenak ere bai:

oinak belarraren aurka;

behatzetan hostoen fereka;

airearen presioa azalean.

Ninien irekiera apala,

lainoek eguzkia estaltzean

eta betazalen itxiera,

berriz azaltzean.

Malkoaren umeltasuna begi ertzean,

bizitzak utzitako arrakaletan irristatuz.

Motel doa dena geldi gaudenean